ការធ្វើលំហាត់ប្រាណ
ការ ហាត់ប្រាណ អាចជួយរក្សាកម្រិតមេតាបូលីស ក៏ដូចជា តុល្យភាពអរម៉ូននៅក្នុងរាងកាយបានផងដែរ ។ជាមួយនឹងលំហាត់ប្រាណងាយស្រួលមួយចំនួន នោះវានឹងអាចជួយអោយអ្នក ទទួលបាននូវ បទពិសោធន៍ផ្នែកដំណេក បានល្អជាងមុន។ អ្នកជំនាញបាននិយាយថា កង្វះខាតនូវសក្តានុពល និង សកម្មភាពផ្នែករាងកាយ គឺមានទំនាក់ទំនងរវាងគ្នា និង គ្នា។ ការដើរញាប់ៗ, ការរាំ, ធាក់កង់ និង សកម្មភាពលំហាត់ប្រាណ ផ្នែកសសៃឈាមបេះដូង គឺអាចជួយអ្នកក្នុងការបង្កើននូវ ចរន្តឈាមរត់ ទៅកាន់ សិរីរៈបន្តពូជ។ ការធ្វើលំ
ហាត់ប្រាណ គឺអាចបង្កើនសក្តានុពលផ្នែករាងកាយ និង ជួយធ្វើអោយជីវិតផ្លូវភេទ របស់អ្នកកាន់តែ មានភាពរីករាយជាងមុនបាន។
ទទួលទានអាហារដែលផ្តល់ផលល្អចំពោះសុខភាព
របបអាហារប្រចាំថ្ងៃ របស់អ្នកគឺពិតជាដើរតួយ៉ាងសំខាន់ នៅក្នុងការពង្រឹងដល់សុខភាពផ្នែកផ្លូវភេទ របស់អ្នក។ ការបង្កើននូវ ការទទួលទានបន្លែ និង ផ្លែឈើ គឺពិតជារួមចំណែក យ៉ាងសកម្ម នៅក្នុងសុខភាពផ្នែកផ្លូវភេទ ដោយការធ្វើអោយសិរីរៈផ្នែកប្រព័ន្ធបន្តពូជ ធ្វើការល្អប្រសើរជាងមុន។ ការបង្កើននូវការ ទទួលយកសារធាតុរាវ និង អាហារដែលមានផ្ទុកជាតិទឹកខ្ពស់ក៏មាន សារៈប្រយោជន៍ផងដែរ ក្នុងការ ពង្រឹងដល់សុខភាពផ្លូវភេទនេះ។
លេបថ្នាំជំនួយសារធាតុបន្ថែម
អ្នកអាចលេបថ្នាំគ្រាប់សារធាតុបន្ថែម ដើម្បីជួយពង្រឹង និង ស្តារឡើងវិញនូវសុខភាពផ្លូវភេទ និង ជម្រុញដល់អារម្មណ៍ផ្លូវភេទរបស់អ្នក។ ទន្ទឹមនឹងនេះ យើងឃើញមាននូវ ប្រភេទថ្នាំគ្រាប់បំប៉ន នូវសុខភាពផ្លូវភេទ ជាច្រើនប្រភេទដែលមានដាក់លក់ នៅតាមឱសថស្ថាននានា ដែលក្នុងនោះមានដូចជា៖ ថ្នាំគ្រាប់ជំនួយអារម្មណ៍ផ្លូវភេទ, ថ្នាំពង្រីកទំហំរបស់លិង្គ និង ពន្យាពេលរយៈពេលនៃការរួមភេទអោយបានយូរ ។សារជាតិអាមីណូអាស៊ីត ត្រួវបានគេចាត់ទុថាជា សមាសធាតុធម្មជាតិម្យ៉ាង ដែលអាចជួយបង្កើនចំណង់ផ្លូវភេទរបស់យើងបាន។ វាជួយបង្កើនចរន្តឈាមរត់ ដែលប្រកបដោយសុខភាពល្អ ទៅកាន់លិង្គ។ ការសិក្សាស្រាវជ្រាវបានបង្ហាញថា ជាតិអាមីណូអាស៊ីត ដើរតួយ៉ាងសំខាន់ នៅក្នុងការរក្សាសុខភាពទូទៅរបស់មនុស្ស ជាពិសេសនោះគឺ សុខភាពផ្លូវភេទរបស់បុរស។
ថែរក្សានូវស្ថានភាពផ្លូវចិត្តរបស់អ្នក
ស្ថានភាពផ្នែកចិត្តសាស្ត្រ អាចមានឥទ្ធិពលដោយផ្ទាល់មកលើ សុខភាពផ្លូវភេទ ជាពិសេស គឺចំណង់ផ្លូវភេទនេះតែម្តង។ ការមានស្ត្រស និង អារម្មណ៍ភ័យព្រួយ ជារៀងរាល់ថ្ងៃ អាចជះផលរំខានបាន យ៉ាងខ្លាំង មកលើសុខភាពផ្នែកផ្លូវភេទរបស់អ្នក។ ប្រសិនបើអ្នក យល់ថាខ្លួនអ្នក កំពុងស្ថិតក្នុងស្ថានភាពផ្លូវ ចិត្តមួយដែលមិនល្អ នោះអ្នកត្រូវតែព្យាយាមធ្វើការដោះស្រាយ និង រៀនពីវិធីក្នុងការគ្រប់គ្រងវា អោយបានល្អ។
ត្រូវគិតក្នុងផ្លូវវិជ្ជមាន អំពីស្ថានភាពនៅក្នុងជីវិតរបស់អ្នក ហើយអ្វីដែលសំខាន់នោះគឺ ខ្លួនអ្នក។ អ្នកប្រឹក្សាយោបល់ ផ្នែកចិត្តសាស្ត្រ និង ពាក្យលើកទឹកចិត្តរបស់ដៃគូ អាចជួយអោយអ្នក យកឈ្នះបាន និង កាត់បន្ថយនូវអារម្មណ៍ខ្វះទំនុកចិត្តលើខ្លួនឯងបាន ៕
Source: fb.com/hotnovel
